[分享] ＭＡＮ11月22日看见美琪在铜锣湾拍戏 新增普通话版@p2-3

昕怡

我从TVB“佛山赞”官网论坛转贴过来。

昕怡

ANSON及各FANS, 我今日的確係有艷遇呀! 就係我哋嘅頭號靚女偶像MAGGIE啦! 事緣今日我返晏下午1:00,諗住返到公司附近萬寧增值,當從商 場門出去時發現有人拍嘢! 但唔知點解今日有遇感同平時唔 同! 再從人群中搵吓會唔會MAGGIE先? 當見到有個髮型似曾相 識! 我再停下腳步望真啲!我發夢都冇諗到會見到MAGGIE喺度!

22/11/2005(23:58:27)

當時我真係開心到想大叫呀! 終於我心呼吸咗幾下, 行前想接 近MAGGIE! 但原來佢同工作人員傾緊嘢! 咁我咪嗱嗱林打比 ANSON兼去萬寧囉! 開頭都搵唔到ANSON我幾心急呀!打咗3,4次 先打通咋! 然後未節返到MAGGIE度囉! 當時工作人員同MAGGIE 啱啱傾完嘢! 我即刻一個箭步攝埋去啦! 當時先至心諗: 死嘞! 同佢講乜好 呢? 其實嗰刻~"我淨係想同MAGGIE互相對望咋!" 23/11/2005(00:29:27)

昕怡

見到大肚林DUM嘅MAGGIE好CUTE呀!當我同佢眼神接觸嘅一剎! 我想同佢講:我好掛住你呀!(但大庭廣眾!梗係用眼神好啲啦!) 終於我開口嘅第一句係: MAGGIE~M 我:MAGGIE 認唔認得我呀?(呢句說話好行呢?) 我見佢都係諗 唔到就報上名來話:我上次見過你0架!~阿MAN呀! M:哦!~~~點解你喺度嘅? 我:我喺度做嘢! 啱啱經過見到你咪過嚟見吓你同你打招呼囉! M:哦!~~~(隨即帶住懷疑語氣問)你公司喺邊? 我:呢個商場囉! 今日返晏出嚟買嘢,先見到你咋!

23/11/2005(00:58:55)

各FANS, 嘻!嘻!唔係我晒命!其實我真係同MAGGIE幾有緣呀! 因為首先中識到你哋,特別係ANSON,如果唔係佢,我都唔會有第 一,二次見MAGGIE真人嘅機會啦!跟著搵到新工!從而更喺機緣 巧合嘅情況底下,仲見到及同MAGGIE傾計TIM!我諗唔單止我! MAGGIE都始料不及咁啱呀!哈!哈! FANS們,你哋冷靜啲!因為我噚日太興奮!兼且太夜返到屋企啦! 今朝又返早,所以只係寫咗個開頭就好眼瞓!如果唔係想瞓得著 至奇呀!

23/11/2005(21:33:02)

昕怡

陳仔, 好耐無見喎!我咪就喺世貿中心做嘢之嘛!係啦!果度成日拍嘢! 但通常都係啲二打六做騷多!平時我都唔會望嘅! 今次我好似探則器,係有感應果隻去SCAN咁呀! 真係好開心同MAGGIE講咗好多嘢呀!! 我仲囉番第一次同佢合照嘅2R相比佢簽名! MAGGIE問我點解會有張相喺度嘅? 我就話梗係啦!我隨身携帶放喺銀包度0架嘛!等你幫我簽完我 就拎去過膠TIM 0架啦! 23/11/2005(23:59:43)

陳仔, 咪係果度囉!最衰帶相機啦!可以同大肚DUM MAGGIE合照嘛! 唔知佢生仔定女呢? 我仲問MAGGIE就嚟有新戲上囉喎!(好彩佢冇問我戲名咋!因為 見到佢姓乜都唔記得!) MAGGIE答:係呀! 我即刻打蛇隨掍上繼續問佢啦! 我:咁你會唔會睇新戲首影呀?(即電影"凶宅") M:唔會 我:ANSON約咗一班FANS去睇吖!可惜我要返工去唔到!不如搵日 我哋約埋一齊去睇戲吖? M:好吖! 我搶住答:睇吓你幾時得閒,到時你打比ANSON約我哋吖! M:好吖!我打比佢吖! 24/11/2005(00:31:09)

昕怡

無法啦!我鍾意咗MAGGIE十幾年!而家已經係超齡番薯啦!再唔 訓練吓啲記性驚柏金遜呀!其實我望住佢,我已經好滿足!同佢 傾計只係想聽到佢把甜美嘅聲線咋!所以ANSON叫我講比佢聽同 MAGGIE講過啲咩表情等?其實只係記到個意思,我諗下次要攞相 機拍低兼錄影至得啦!因為我已經進入飄飄然嘅夢境仲係想繼 續發落去果隻呀!

24/11/2005(01:24:27)

ANSON, 我唔知MAGGIE知你嚟見佢,會咁大反應0架!我仲見到佢唔高興 個樣!連我都唔知點算呀!佢可能見到我個樣好驚! M:我唔想你哋睇住我做嘢呀! 我仲問佢:咁點佢好快到?(見到佢行來行去按電話,以為佢打比 你!)再問佢:你打比ANSON呀? M:唔係呀!咁點算呀?(一路講一路行,好似啲老公等老婆生仔 咁!我想笑!但驚佢嬲!所以忍住!加上我做咗啲佢唔鍾意嘅事! 好內疚!) 24/11/2005(01:46:46)

昕怡

各位FANS, 其實我都係死頂0架咋!你睇吓我覆述返出嚟好似斷腳禾虫,就 知我幾咁唔理智啦!真係比魅力驚人嘅MAGGIE,攝住咗個魂魄 0架!所以當時好似飲醉咗咁!記得啲唔記得啲囉!我係咁撩佢講 嘢都淨係想聽佢把磁性嘅聲線咋!咪唔多記得佢講咩囉!係咪好 傻呀?咁大個女從未試過呀!好㊣!哈!~~~~~~~~~~哈~~~~~~~~~~ 24/11/2005(21:08:05)

SHAW, 係啦!MAGGIE呢啲靚女真係好難約呀!如果我唔駛返工呀!我會 係咁氹佢出去食飯TIM呀!係咪好妙想天開呢?我唔記得比我個 手提佢TIM呀!真失敗! 果日我總共見MAGGIE兩次: 第一次係等佢得閒又冇人同佢傾計時!即係話比佢聽ANSON嚟 緊!我係未換制服0架!傾到MAGGIE埋位!我就聽話!唔咗佢做嘢 返公司(因為我相信比著你哋!見過佢嬲個樣一定會乜都投晒 降!) 第二次係ANSON叫我接佢!因為當時我已變咗身著咗制服!嘻! 嘻!我諗MAGGIE實認唔到我啦!我咪掩護ANSON囉!我仲同其他 FANS報告TIM!安慰咗ANSON擾攘一輪,之後先發覺,哎呀!我仲有 張第一次同MAGGIE合照嘅2R相未比佢簽TIM!咪嗱嗱冧硬實頭皮 拎出去比佢簽囉!我都係等佢得閒先以眼神叫佢咋!驚佢唔鍾意 吖嘛!當MAGGIE見到我時望咗我一望!因為我已經變咗身(著咗 制服啦!) M:咿!(望我一望)你著咗制服呀? 我:係呀!我啱啱換咗衫!先醒起有張相唔記得比你簽吖嘛!(隨 即拎比佢睇!) M:點解你會有張相走出嚟嘅?(好奇地問) 我:我其實日日都帶住喺身!放喺銀包0架!諗住下次見到你比你 簽完名!跟住拎去過膠囉!(以理所當然嘅口吻說!) M:哦!~係呀!得啦!(我比佢睇吓張相,話佢知這是我哋嘅第一次 合照!見佢笑住嚟簽名,我諗我哋都好冧呀!哈!哈!而我淨係識 望住佢個樣!連佢簽完都未知呀!梗係啦!我都三魂唔見咗七 魄!) 最後佢行去工作人員果度,背着我把外套的帽帶上,可能喺度培 養緊情緒去應付下一場戲啦!我仍然冇叫佢!只係呆呆咁等佢擰 轉身同佢SAY BYE!等咗一陣見佢真係回望!我即刻用口型同做 手勢BYE!BYE!點知嚇咗我一跳呀!MAGGIE竟然笑得好燦爛咁同 我一樣講BYE!BYE!我諗佢真係鬆一口氣呀!冇咗我呢個咁唔聽 話嘅FANS喺度!搞搞震!哈!哈!

24/11/2005(23:11:30)

昕怡

ANSON, 基本上好簡單~見到MAGGIE個人,聽到佢同我講嘢把聲!同埋再 加埋佢比我嗰個發夢都夢唔到嘅~燦爛甜美笑容同我講BYE! BYE TIM! 我可以話比你哋聽兩個字嚟形容果刻嘅心情同埋情緒: ~"無憾!"

24/11/2005(23:44:23)

lyylm99

虽然只看懂一小半，也足够让我羡慕到流口水了，上次只是听说，现在看到“回忆录”，真的是让人兴奋，如身临其境，可最后依然只是羡慕的份

snowman42

還是那一句: 為什麼當日我不在銅鑼灣呀!!!!!

yi

哇塞，真是值得高興好一陣拉！！！

sukixu

太让人羡慕啦!!!我定要去HK看琪.

MAN

mimi,

快入来重溫啦~!

ina

看不懂啊~~~~~

mimi

以下是引用MAN在2006-4-13 21:52:52的发言：

mimi,

快入来重溫啦~!

我來了來了﹐這麼好的帖子我居然差點錯過啦。。。。

看得我上班都笑得合不攏嘴﹐同事一定覺得我很奇怪﹐哈哈

大家如果看不懂﹐等我回家來幫Man做翻譯吧

MAN

mimi,

其实我现在已忘记了部份啦~!幸好多得昕怡把我的记憶都貼上來,真是要感激她!!

你全部都得明?厉害!!你是住在那裡?是廣東人吗?翻譯这重任,就交給你啦!谢谢!