[分享]黃黃客串話劇，靚太愛死他

shaw_mag

本來逛逛網絡想找M最近消息，且被我看到這個好玩的東東.  ha...ha...,Kenny真的要一生多謝蛋生啦。

----------------------------------

靚太作死——糊塗戲班

2007-11-26 14:34

昨天跟丈夫到了尖沙咀文化中心欣賞由糊塗戲班主演的「靚太作死」，看後覺得非常精采，爆笑連場。

靚太因丈夫經常出外拈花惹草，難以忍受，為挽救婚姻而跟丈夫傾談時，往往弄至一哭二鬧三上吊。縱然悲劇沒有發生，但丈夫始終不勝其煩，於是提議跟靚太各自尋春，實行夫妻關係對外開放。靚太無奈之下，只得接受，但竟給她遇上高大健碩、風趣幽默、學識淵博的物理學教授，並譜出戀曲。丈夫得悉後，頓時晴天霹靂，後悔非常，極力挽留靚太，希望對方能回心轉意。

此劇全由飾演靚太的魏綺珊及飾演丈夫的陳文剛兩人合力演出，簡單的舞台設計，配合得宜的燈光和音效，還有灰諧抵死的對白及演員鬼馬的演出，已贏得觀眾一致的掌聲和不絕的笑聲。更難得的是演員跟觀眾是有交流的，除了開頭部分捉拿那些遲到者入劇場訓示外，靚太還會詢問觀眾的意見，丈夫是否太過份，又或是應否給機會丈夫等等，使觀眾看得更加投入。

整齣劇最令人哄動和驚喜的地方相信是飾演物理學教授的神秘嘉賓——黃德斌，他的出現震動全場，因為誰也沒料到會有這麼一個人出現，原來事前保密工夫做得非常好，劇場完畢後，陳文剛便會跟大家作出呼籲，希望大家保守這個秘密，讓餘下場數的觀眾能有意外的驚喜。

之後，靚太、丈夫和教授亦跟觀眾逐一拍照留念，我當然也不輸蝕，跟他們來個大合照。

-----------------------------------------------------------------------

靚太作死

2007-11-26 22:22

星期六去了睇糊塗戲班嘅"靚太作死",真係非常抵死兼且充滿驚喜

我幾鍾意演員話果D遲到嘅觀眾,叫佢地唔好遲到,然後全場一齊講"我唔會遲到"

全套劇只得兩個演員,故事係講老婆受不了老公成日出去滾,日日尋死,兼大打出手(有一場老婆飛個咕臣車個老公,點知老公接唔住去左觀眾席,個觀眾幫手飛過去,好好笑,好似咁樣嘅交流都有唔少,大家又睇得更投入)終於老公反叫個老婆都出去玩,睇死佢唔會搵到好過佢嘅男人,點知老婆真係搵到件荀盤,物理教授,又識作曲填詞夾BAND,仲差D提名諾貝爾獎,老公自卑心作祟,於是到佢玩自殺,先係跳樓,當然啦,梗係果種話跳樓其實係想人救,點知有觀眾叫佢" 跳啦,仲唔跳",笑到我丫

跳樓不成,就玩第二樣,係浴缸開滿水,加上風筒想觸電死,老婆頂唔順就話其實係講大話,冇一個咁嘅人,當大家以為兩口子從此大團圓結局,點知......

原來真係有情夫架,呢個神秘演員,令全場歡呼,因為實在太驚喜喇,佢就係黃德斌

當然一心尋死嘅老公諗住要瞓落浴缸,所以除晒衫,只係下身圍左條毛巾,佢一見到個情夫,就扮大隻佬問佢係邊個,情夫黃德斌只係除左件外套,淨係著件背心,大家見到佢唔駛谷都已經好健碩嘅身形,又再一次V嘩鬼叫,終於老公傷心兼自卑衝左入廁所自殺

完場後三位演員仲出黎同大家影相,我就冇影,只係幫JO揸機

由於應主辦單位要求,唔想其他觀眾冇驚喜,所以忍手到套劇做完先上BLOG。

----------------------------------------

靚太作死真抵死

2007-11-26 00:03

今日都算早咗起身，諗住食飽早餐，行一陣街街就去睇舞台劇<靚太作死>!

點知行下揀行試行衫都巳經差不多一點十五分了！

我同家姐咪嗱嗱聲返上屋企放低ｄ戰利品，就立刻走人！點知搭地鐵又要等，轉的士又要等，個的士司機又開得好穩陣，真係有ｄ擔心會遲到，幸好去到門口仲有五分鐘仲可以去埋洗手間才入場，如果唔係分分鐘做咗靚生靚太"玩弄遲到觀眾"環節的主角!

飾演靚太的魏綺姍，第一次看她演出舞台劇，感覺很驚訝，以前看她報導新聞的正經嚴肅樣就見得多了，原來發起火嚟係可以禁傳神真實，不過依然禁靚！

飾演靚生的陳文剛，唔知點解每次見到有佢份演出的舞台劇，一定好有信心覺得會係好好睇，今次也不例外，他那每一個動作表情，無一不令觀眾放聲大笑！他那抵死的對白，我想必令觀眾留下深刻印象！真係非常期待他下一次舞台劇之演出啊！

特別演出嘉賓黃德斌，雖然只得數句對白，但巳經令每一觀眾哇哇大叫了，因他那一身健碩的身形，雖沒露出六塊腹肌，只係兩手臂巳令各人尖叫不絕呢！

最開心都係可以同靚生靚太仲有大隻老黃德斌先生留影，特別係靚生，因為上次<窺心事>無機會同佢影相, 令次又影相又可同佢握手, 真係超超開心!因為時間關係同佢只係傾咗兩句說話, 好在靚生都記得我"愛美莉"這個blog友，仲叫我記得係佢個blog到留言，實在太開心啦！

-------------------------

shaw_mag

《靚太作死》之《你滾紅我滾綠》

2007-11-24

睇話劇我都係第一次，套劇講乜? 睇過名都知啦..... 你滾紅我滾綠 ， 即 ~“老公沙沙滾，老婆火都滾”~  !

『一哭二鬧三上吊』宣告失敗，死不去之餘，為了挽救婚姻 ，

老婆唯有聽從老公荒謬怪論，實行各自各精彩; 你滾紅時我滾綠 !

自此，老公把雙人牀開放，燕瘦環肥絡繹不絕 ;

老婆亦一於豁出去，卻巧遇情郎高大英俊風趣幽默博學多才，

要多體貼有多體貼。

一招開放夫妻關係，打得老公全軍覆沒 !

主演: 陳文剛  魏綺珊

我覺得一對主角做得好生鬼好自然，仲好好笑tim ar，雖然個場位都唔係太大，但其實我見到都全場爆滿坐滿人囉，最驚喜就係臨完埸有神秘嘉賓出場，就係  ~~ “黃德斌”喇，佢一出場無耐就除衫喇.........哇.........全場嘩然 (包括我 ) ........佢真係好大隻呀 .....完場后班主角仲同我地單獨影相tim ar !!

----------

[此贴子已经被作者于2007-12-8 6:21:05编辑过]

shaw_mag

站樓

TJ

蛋生俨然是黄德斌演艺工作的伯乐啊

elainehe

。。。又除衫。。。。

TJ

他继续脱衣服演戏，观众迟早会审美疲劳！