[分享] 黃子華 --- 栋笃笑 + 金句 + Youtube link

shaw_mag · 发表于 2007-2-8 11:12:40

黃子華 --- 栋笃笑

1、爱情

白雪公主，几咁纯洁无瑕。但系谂真啲，白雪公主，识得嗰个系王子，灰姑娘识嗰个又系王子；有个有特殊尝好，钟意锡青蛙嘅女人锡咗只青蛙一啖，只青蛙变出嚟嘅又系王子！有冇人谂过根本个王子系同一个人呢？根本呢个王子都不知几花心，周围沟女。仲无良到扮青蛙去沟添！

2、情窦未开

我第一次恋爱之前，我认为自己就系杨过，而我同书里面个杨过唯一唔同嘅地方，就系佢有只大鵰。而我嗰阵，就钟意捻呢个相思同画眉多啲。同杨过一样，我从来冇谂过要考第一。我只需要爱情，只要搵到我嘅小龙女，我就可以拋弃学业，退隐山林，搬入新界住。但系我一定要住西班牙别墅，我唔住得村屋，我怕蛇虫鼠蚁。然后每个月至多出一次市区，不过我唔会逗留得耐，问亚妈攞完零用钱我就会入番入去。

冇错，基本上，我由中一至中五都系喺呢种咁超然嘅思想下度过。嗰阵时学校最流行嘅辩论题目系：“中学生应否谈恋爱？”我认为，我哋应该辩论嘅系“中学生应否读书？”而喺我第一次恋爱之前，我嘅小龙女只需要一个条件，就系靓，我知我知我咁样谂好肤浅，但系嗰阵时我仲细，唔知道原来身材都好重要嘎。

3、性

圣人话:“食色性也！” 食同色，好唔同！一个人无论几钟意食，会唔会比几十蚊入戏院睇套“蒸气腾腾小龙包”？一个人无论几钟意食，又会唔会为咗望一旧冇包住嘅牛肉望到畀车撞？

4、爱情

恋爱唔系PART-TIME，你唔可以话：“爱！做完咪走啰！”恋爱系一盘生意，你要二十四小时谂住佢。自己生意，冇所谓PART-TIME 正识。人哋放假或者过年过节，你更加要开OT添。行花市啦行海边啦睇戏食饭啦……

你有乜嘢赫允帜兀课覂泳赫允郑浚∧愎滥阆底ɡ褪抗景。扛郯投贾磪玻∮袃涌悸墙峄椋繀罹鸵蚬诮淮瑓罹图聪瞪鲜欣玻∷裕爸醒Ψ裉噶蛋边硐滴侍猓?问题系“人类应否有两份全职工作？”

你再拍拖，需要知会你老板：“老细，我出面搵咗份恋爱，我真系好需要呢份恋爱，不过公司啲嘢我会照做，我兼顾到嘎。”然后你老板会话：“咁你不如搵多份恋爱，咪直情唔使番呢份工啰！”

5、新鲜

依家啲人沟女，对绦女最大嘅要求系乜啊？唔系靓，最紧要，系够新鲜！

乜嘢叫做够新鲜啊？就系话，沟咗一年嗰个，就唔够沟咗半年嗰个咁正。因为半年嗰个新相识，新鲜啲。同样，沟咗半年嗰个，就唔够三个月咁正。沟咗一个月就唔够半个月嗰个咁正。沟咗一日就唔够半日嗰个正，如此类推，终于…… 沟咗嗰件，就唔够未沟嗰件咁正！

咁即系点呢？仲沟唔沟好呢？一沟就唔正？！

6、女人伟大

黄：系爱情之中，女人最伟大！男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。如果你话畀一个女人听，喂，你男朋友有口臭！

张：车，人梗有局部缺点嘅！

黄：佢仲有臭狐同香港脚喎！

张：咁佢咪好平均咯！

黄：佢啲鼻鼾声唔使搅咪啊！

张：我男朋友一定系梦见我，我开心。

黄：佢屙尿乱咁啡！

张：好壮啊！

黄：佢啡完唔洗手！

张：边有男人洗手嘎！

黄：我有！

张：姆型！

黄：佢仲讲粗口啊！

张：但系佢心地好！

黄：佢系电梯度食烟喎！

张：公众场合都唔畀食咯，佢咪呢埋一边食啰，你哋仲想点啊！你系咪想逼死佢？！系咪想逼死佢？！呜～～～

7、责任何在

如果你话我听，因为我唔靓仔，所以唔可以做戏，你唔应该话我听！因为唔关我事，我唔应该负呢个责任，你应该同我父母讲，系佢哋搅成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏！或者剩系做茄呢啡！

我唔系一个唔负责任嘅人，为我爸爸妈妈嗰短短一剎嘅快感，我已经负责负咗廿几年。你估做我好易做啊？

我细个读书唔好，或者唔合格，我冇要父母负责。我自己签晒啲成绩表嘅。每当我爸爸妈妈有争执闹交嘅时候，我有冇叫佢哋为咗我嘅童年着想，忍下对方？冇！我叫佢哋出街闹！

我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我。反而系我调番转头，提醒佢哋：你哋要搵钱啊，积谷防饥啊，唔系第日老来无依无靠啊！

乜嘢都系我！

8、男仔唔驶靓仔

靓仔系唔系真系咁重要啊？有啲人话男人唔驶靓仔嘅，有才华咪得啰。系，你有冇试过带你嘅才华去落disco识女仔啊？人哋啲靓仔一行入去，唔使二十分钟，就已经同啲女仔互相问问题：“你度定我度？”我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。

唱歌跳舞做话剧讲大话功夫表演，成套欢乐今宵一个人做一次……

9、演戏天份

我从小就知道，我系一个伟大嘅演员。人哋细个成班细路群埋，钟意玩扮结婚，扮爸爸妈妈。我细个，就钟意扮奸夫淫妇。但系唔知系咪我个样比较老实，我系从来都冇机会扮奸夫。每次我都系扮淫妇……嘅老公。

虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。当然，我啲朋友个个都赞我，话我天生出嚟，就系戴绿帽嘅。

10、死亡

细个嗰阵，我系唔怕死嘅。我觉得，系以前啲人先会死嘅。系历史书里面嘅人至会死。好多人唔明历史有乜用，历史咪话你听边啲人死咗啰。我从来未睇过一本历史书有提到黄子华呢个名，我点会死啊。最紧要系，就算死都唔系乜嘢一回事。

细个嗰阵隔离陈师奶成日叫佢老公：“咁多人去死你仲唔去死？”然后去完番嚟,阿陈师奶又会话：“死番嚟啦，唔死多阵添？”

所以我一路都认为，去死，即系去街，同埋一定唔会去好远。因为阿陈生每次都好快就返嚟嘅。

11、赌马

喂，赌马系需要付出好多嘎。朝早要睇晨操夜晚要睇董镖，又要同朋友交换读书报告。你估我哋睇得书少？市面几多马经啊？仲唔系话你睇得多就得嘎喎！香港啲马经，一埸十只马，十只马都有人贴，你自己思想唔够独立，咁你就死梗啦：唔该，呢场每只帮我落100蚊啊！希望中啦！

夏天嚟啦，抖暑啦，你估系畀啲马休息咩？系畀我哋休息啊！

12、泳池

黄：去公众泳池嗰啲唔系叫做游水，嗰啲叫做浸水。因为喺公众泳池游，只可以用一种泳式，就系弹式，同一个位，弹下弹下。

张：如果系高手可以用式，但系要潜落水底嗰度用。

黄：点解香港啲泳池咁鬼逼嘅呢？

张：唔好问啊，趁人多你好快啲浸下。等阵所有人上晒水嗰阵，你就会发觉，个池啲水原来到膝头哥嘎咋！你去浸脚指啦，下次。

黄：其实我哋香港人都习惯咗人多，去浸下水都好。但系可惜嘅系，呢啲水，唔系一般水，呢啲系暖水！你成日喺泳池度，你会发觉有啲人，全身唔喐，眼碌碌。

张：哦！你喺泳池屙尿，咁冇公德心！由细到大我老豆都教我嘎啦，急尿，去隔离池啊嘛！

黄：所以我喺度，趁呢个机会，同你啲儬仔讲啊！游游下小童池就走过嚟大人池，擒喺个池边，唔好话我听系学游水啊！

张：特别系擒正喺喷水口嗰啲啊！想毁尸灭迹啊！

[此贴子已经被作者于2007-2-15 6:45:09编辑过]

shaw_mag · 发表于 2007-2-8 11:16:50

黃子華@2003年金像奖 - 开场白

Youtube link : http://www.youtube.com/watch?v=oj0ypyukpU0

---

唔该晒，THANK YOU，，大家觉得这只舞好不好看，哎，这样的反映。我再问一次，大家觉得这只《无间》舞，好不好看啊。（鼓掌），自从有了无间道之后，全香港，无论任何东西，只要加上无间，2 个字，立即好卖很多，是吗？现在有无间电话，无间沙发，无间纸巾，特别好SENG。（擦鼻涕）。我们无间道，日本说要拍，好来钨也要拍，听说现在非洲都在研究培植一种无间的斑马。
各位，一部成功的电影，对于一个社会的经济同文化推动力是好大的，所以我们2003年的香港电影，全力回归社会，反映社会，影响社会。那，我们为了提醒大家警惕禽流感，我们就拍了《金鸡》，怕你不够警惕，我们还拍了《飞鹰》，。为了提醒大家香港是男女平等的，我们拍了《大只佬》，不是女人脱衣服才有人看的，男人脱衣服，都好好看的。那，就在上个星期，警方大力扫黄，点解啊，是谁通风报信啊，就是我们部电影《豪情》，但竟然有几个嫖客逃走了，他们怎么会知道逃跑，点解啊，因为他们看了《大丈夫》。

又为了提醒香港市民多多使用公共交通工具，我们拍了《地下铁》。怕你不知道下车，我门拍了《下一站天后》，我们不单单叫你去搭地铁，也叫你去搭 RUN仔（中巴），《亡命小巴》，唔使惊（不要怕），只要你看了《忘不了》。当你看着这部小巴以100多公里的时速，转入一个弯道的时候，你做为乘客，你会好体谅这个司机. 因为你知道这个司机，要不就是他老婆和别人跑了，要么就是她老公不在了，还留下一个不是她生的儿子给她（张柏芝的忘不了剧情），你下车的时候还会多给他几快钱。

又为了提醒大家香港是一个时装的都会，我们拍了《PTU》，几多人问我，子华，任达华这套衣服，哪里买的。是什么牌子啊，这么有型？各位，这套是警察制服来的，哎呀，原来你们的警察制服的“卡亭”（英文不会写，好象是指身型）都这么靓啊。当然，我不会说给他听，不是这些衣服的“卡亭”靓，是任达华的“卡亭” 靓。各位，现在我们香港最烦恼的是什么呢，董生在这里，董生最了解，我们好多政治争傲，傲到我们一般小市民都好迷惘，所以我们就拍部电影，反映这种迷惘，我们就拍了《向左走，向右走》。但是不管怎么走，这些都不紧要，最紧要的是什么，不管怎么走，我们都要有包容的心，能够包容不同的意见，直到一个地步，我们希望可以，《老鼠都会爱上猫》。

有好多人比喻，电影是一场赌博，这样我就可以说给大家听，我们香港的电影，在2003年应该是开大的，正所谓，不赌不知道时运高，不拍不知票房好啊，在今晚，我们就一起来看下，究竟有哪部电影，哪些好朋友能够在今晚，飞龙再生，《龙甘威》 .

[此贴子已经被作者于2007-2-15 6:44:01编辑过]

伊明4ever · 发表于 2007-2-8 11:35:42

黄子华演技不错的说~

来去如风 · 发表于 2007-2-8 12:34:32

2003年的金像奖很有意思，就是那届，让很多人认识了黄子华~~~

shaw_mag · 发表于 2007-2-8 11:13:13

13、改名
改名，只系啲父母将自己嘅主观意愿套喺啲仔女身上。所以大部份女仔唔系叫美乜就系丽乜。男仔唔系叫阿坚，就系阿强，一唔系就叫阿祥。咁我哋系咪好美丽，好坚好强好长呢？

14、黑白不明
我非常欣赏**嘅“黑猫白猫，捉到老鼠就是好猫。”我老友阿雄个老婆生仔，生咗个黑人出嚟，我都系咁对佢讲：“黑仔，白仔，快高长大就系好仔！”

15、闹人
以前我哋笑人，会话：“你有得发达？太阳由西边出嚟啊！” 依家我哋就会话：“你有得发达？建筑面积等于实用面积啊！”
又或者话人丑，现在我哋都会技巧好多：“你唔丑，你点算丑啊，你系块面唔多实用咁解嘛。你嘅鼻台太大，啲眼耳口鼻咪唔见使啰。”

16、失恋
失恋系会令人成长嘅。我失恋之前，一向都觉得世界上所有问题都有答案。
点解我哋每日都要8点钟起身返工啊？因为够钟啰！
点解我哋有够钟呢样嘢啊？因为我哋唔用浮动上班时间啰。
点解呢个世界有战争？因为我哋有武器罗。
咁点解我哋要有武器啊？因为佢哋有武器啰。
一切都有答案，直到我失恋。
阿珍，点解你唔爱我？阿珍畀咗一个经典嘅答复我，佢话：“爱情系冇点解嘎，系唔可以解释嘎，唔好问啦。”（记紧呢句啦）
如果番学阿sir问我嘢都可以咁答就好啦！“黄子华，物体燃烧点解需要氧气啊？”“阿sir，系冇点解嘎，系唔可以解释嘎，唔好问我啦！”

17、隆胸
叶子微简直为演艺界创下新标准。以后啲女仔想做明星，又唔使睇样，又唔使睇演技，去磅啦！！！（加强语气）得，入去磅一磅就得啦。“开黎，六斤半，片酬系六千五蚊一日，小姐做唔做？”“开黎，八斤有疤痕，八千减一千疤痕费，即系7千蚊一日。”
你话几客观呢！　

18、放假
黄：一般人都会好珍惜每年一度嘅年假！
张：今年我要去夏威夷游下水。
黄：如果你决定去夏威夷，你就要预咗付出沉重代价！前四后六！
张：我讲紧系年假，唔系产假啊，子华！（真系啊……）
黄：前四后六嘅意思系，喺你放假之前嗰四个礼拜，同你放假之后六个礼拜，都要做到仆街！（死未）因为无论你放几耐假，你嘅嘢始终系你做番。
张：系你嘅始终系你嘅！
黄：唔单止，放完假，唔系你嘅都会变成系你嘅！

19、金捞
点解要带金捞？唔带劳，有乜资格同人讲，时间系宝贵？我嘅时间点值钱呀？（你话系唔系先）嗱，支时针围住行一个圈，12个钟，十几皮嘢，即系为皮几嘢一个钟。你一个钟值几钱啊？几旧水？我点同你一齐食饭啊，大家时间观念咁唔同！
唔单止咁，你带捞，表示你个人有幽默感。劳力士，有边个靠劳力搵食嘅人带得起劳力士啊？越带劳力士嘅人就越表示佢唔使用劳力！呢啲，就叫做幽默感啦。

20、女爱情观
女仔对爱同钟意有好大嘅分别，如果个女仔知道个男仔钟意佢呢，佢都会同佢去下街，睇下戏，食下饭，但想做进一步嘅嘢就唔得啦。而女仔知道个男仔爱佢嘅时候系绝对可以付出更多。喺女仔心目中，钟意等于“帮衬”，铺铺清唔好找我更多好处。但爱喺女仔心目中等于“收购”，收购包括“注资”，然后“合并”……（系呀，系呀！）
所以女仔要男仔将佢嘅爱注资落嚟，嚟护口注资落嚟，最重要嘅系嚟钱注资落嚟。然后去买 Joyce啦，Panda 啦，Gueeo啦，买到一身都系，等佢认为可以巩固佢自己嘅价值，但佢哋系绝对冇得到男方嘅同意嘎！
嗱！我宜家同你哋讲啊，你哋嘅黑箱作业，好容易破坏男方嘅经济嘎！（你哋都好有共鸣啦）

21、男爱情观
男仔对爱就好随便，爱同钟意都冇分别，只要佢知道你钟意佢，即刻可以带你番屋企，或者去你屋企。系唔系男仔心中冇爱呢？我觉得又唔系喎。系佢哋比其它人更清楚爱嘅定义。爱系乜呢？根据耶苏嘅讲法系：“爱系恒久忍耐又有恩赐，爱系不张狂，不大唤，不作害羞的事，忘记别人的错。”
你话啦作为小小男人嘅我哋又点可以随随便便同你讲声爱啊！所以以后有人同你讲爱，一就系佢讲大话（加强语气），二就系有个耶苏喺你面前啊。
但耶稣主将爱人如己任，博爱嘎！

22、自重
当乜嘢人都唔搵我做嘢，我就知道，我系一个伟大嘅艺术家，在生嘅时候系唔会获得应得嘅尊重。唔止咁，我仲伟大过伟大嘅艺术家，因为我知道，我死后都唔会受到尊重。

23、红馆
依家做歌星，好犀利，因为有红磡体育馆。因为呢样嘢，做歌星，可以喺一晚，就赚晒你哋朝九晚五一世人都搵唔到嘅钱啦！
啲人话，我真系唔明张国荣点解要退休，（点解？）佢一晚已经搵咗你一世搵嘅嘢，佢一晚已经做咗你一世人要做嘅嘢，仲有乜嘢可以做啊？唔退休做乜？做五场，已经轮回五次！做三十场，轮回三十次，如来佛祖都话：使唔使？
啲人话，唔系嘅，佢唔舍得退休嘅！佢最后嗰场演唱会，佢自己都喊嘎。佢系喊，不过唔系为自己喊，系为咗你哋喊啊：“我就退休啦，我听日就唔使DO啦，你哋听日仲要番九点，唔好迟到啊！！”

24、迷惘
喺公司，老板会同我讲：“你番嚟唔系瞓就系去厕所，你当呢度系屋企啊，呢度系公司啊。”我番到屋企，阿妈又会话：“你仲当呢度系你屋企咩，你番嚟唔系霸住个厕所就剩系识瞓！”

shaw_mag · 发表于 2007-2-8 11:15:13

栋笃神探 - 金句

『唔使騰，No problem!』

『世事無絕對，只有無頭緒!』

『奧~賣~割』

『凶險界女長人!』

『若要人不知，唔好太低B!』

『四個字：關你乜事?』

『哩 D and gen塗文!』

『呢D & jer騰文!』

『劈、"偶"、插、打、搣 !』

『隨口up,冇秘笈 !』

『咩啊(Mia)!』

『唔好叫我阿SIR，叫我莫探員!』

『越大隻，越抵錫!』

『名劍風流，大劍下流!』

『一個完美既淫婦必需要唔似一個淫婦!』

『我set左個局，I set you up!』

『酥皮vs 冰皮絲絨奶茶!』

『我set左個局，I set you up!』

『酥皮vs 冰皮絲絨奶茶!』

『我唔信詛咒可以殺人，除非你近距離三日三夜係咁同個個人講：咁多人死你唔死... 咁多人死你唔

死...!』

『賣保險既性質係乜野?就係每日同人講：呀生，你聽日會死架喇喎，後日會死喎，你呀爸又可能會死架喎!快d黎買保險!』

『真係佛都有火!』

『日行一善，日殺一人!』

『男人鬥女人，女人鬥大等!』

『呀嬸口服液!』

『你腦缺鈣呀!』

『師奶，快d安慰下呢位死者…唔係，係小姐!』

『花仔黃小華!』

『有目標，冇撻Ｑ!』

『剷草驚蛇!』

『人生啞鈴你生啞鈴!』

『問世間情為何物，令到我死唔斷氣!』

『我相信正義必勝!』

『你瓜我唔瓜大瀑布!』

『你地D女人，有又嫌冇又煩!』

『唔在乎你有無俾人奸，只在乎你交唔交到單!』

『乜屎水都要煲架咩?叮番熱呀?』

『老婆friend，0拿0拿聲 !!』

[此贴子已经被作者于2007-2-8 11:23:34编辑过]

mimi · 发表于 2007-2-9 01:53:42

我是看男亲女爱认识他的，这个人很有才气，我满喜欢的，哈哈

池仪 · 发表于 2007-2-9 10:30:20

不認識！！

家恩 · 发表于 2007-2-10 19:05:34

很有意思的歪理。

gracecho · 发表于 2007-2-11 13:45:45

口纔暸得，看過他的電影《情意拳拳》

来去如风 · 发表于 2007-2-11 18:46:01

QUOTE:

以下是引用伊明4ever在2007-2-8 11:35:42的发言：
黄子华演技不错的说~

比较喜欢他演的<状王宋世杰II>~~~

省城琪兵 · 发表于 2007-3-4 03:35:21

黄先生带给我们许多欢乐

xiayi8k · 发表于 2007-3-8 22:12:27

蛮喜欢这个人的。

账号		自动登录	找回密码
密码			加入琪迹